Navigaziun principala

Cuntegn da la pagina

Post spezialisà per il princip da transparenza

Princip da transparenza da l'administraziun

En il chantun Grischun vala dapi il 1. da november 2016 il princip da la transparenza da l'administraziun chantunala. La secretezza daventa uschia l'excepziun, ed il dretg da prender invista è la regla. L'activitad da las autoritads duai esser publica, transparenta e chapaivla.

Infurmaziuns pli detagliadas chattais Vus en il fegl d'infurmaziun "Princip da transparenza – Voss dretgs":

Fegl d'infurmaziun

Champ d'applicaziun dal princip da transparenza

Il champ d'applicaziun da la lescha davart il princip da transparenza (LCTrans) è restrenschì sin il plaun chantunal. Il princip da transparenza vala en general per las autoritads, per las administraziuns e per las cumissiuns dal chantun sco er da las corporaziuns, dals instituts e da las fundaziuns da dretg public chantunal. Las excepziuns èn regladas en las leschas.

Access a documents uffizials

Il princip da transparenza conceda a mintga persuna – independentamain da la vegliadetgna, da la naziunalitad e dal domicil – in dretg da survegnir access a documents uffizials. L'access po vegnir refusà mo, sche las leschas prevesan quai u sche interess publics u privats predominants prescrivan da tegnair secret ils documents. Cunter la refusa d'ina dumonda d'access pon ins far recurs.

Ina dumonda d'access a documents uffizials sto vegnir inoltrada en scrit a l'autoritad cumpetenta. La dumonda na sto betg vegnir motivada, sto dentant designar bain avunda il document uffizial giavischà. Per tschentar ina dumonda po er vegnir duvrà il suandant model:

Dumonda