Visitas d'ambassaduras e d'ambassadurs
La regenza grischuna tgira annualmain contacts cun represchentantas e represchentants da stadis esters en Svizra. Quests discurs èn elements impurtants da las relaziuns externas dal chantun. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Agid umanitar
Tenor l'art. 92 da la constituziun chantunala sustegna il Grischun l'agid umanitar per umans e per pievels basegnus. Il chantun Grischun porscha mintga onn agid spontan en cas da crisas e da catastrofas en Svizra ed a l'exteriur.