La regenza grischuna va d'accord cun l'adattaziun da la lescha federala davart la cumpra da rauba en ils negozis libers da dazi dals eroports. Questa adattaziun permetta tant a passagieras ed a passagiers che partan per l'exteriur sco er - da nov - a passagieras ed a passagiers che arrivan da l'exteriur da cumprar rauba libra da taxas en ils negozis libers da dazi da la Svizra. Sco che la regenza constatescha, ha l'adattaziun er in niz per l'economia publica, perquai che la cumpra rauba libra da dazi a l'eroport d'arrivada da generescha entradas supplementaras per la Svizra.

Da vischnancas e da regiuns
Schlarigna: La regenza approvescha il contract tranter il chantun Grischun e la vischnanca da Schlarigna per laschar surpigliar la polizia chantunala dal Grischun incumbensas da la polizia communala.

Chaussas persunalas
Romano Kunz, domicilià a Vaduz, è vegnì elegì sco manader da l'uffizi da stimaziun. El cumenza sia plazza il 1. da schaner 2010.
Chanzlia chantunala dal Grischun

Gremi: regenza
Funtauna: rg chanzlia chantunala dal Grischun