Navigaziun principala

Cuntegn da la pagina

La regenza dal Tirol dal sid sin visita tar la regenza grischuna

  • Erste Mitteilung
  • Neuen Beitrag einfügen
Mesemna, ils 17 da mars 2010, visita la regenza da la provinza autonoma Bulsaun-Tirol dal sid il Grischun. Ils giasts vegnan retschavids dal president da la regenza Claudio Lardi e da l'entira regenza a Tarasp ed a Scuol.

La delegaziun dal Tirol dal sid vegn manada dal guvernatur Luis Durnwalder. El vegn accumpagnà dal substitut dal guvernatur Christian Tommasini, da la cussegliera guvernativa Sabina Kasslatter-Mur e dals cussegliers guvernativs Thomas Widmann, Michl Laimer, Richard Theiner, Florian Mussner, Roberto Bizzo sco er dal schef da cabinet Klaus Luther. La regenza grischuna – manada dal president da la regenza Claudio Lardi – vegn ad esser preschenta cumplettamain.

Suenter il bainvegni dals giasts en il chastè da Tarasp è previs in gentar cuminaivel a Scuol. La visita serva en emprima lingia a la tgira da las relaziuns amicablas ed al barat d'opiniun sin ils champs da la cultura, da l'economia e da la politica.


Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel