Navigaziun principala

Cuntegn da la pagina

"Pestgar en il Grischun. Nua poss jau retrair la patenta?" Retratga da la patenta da pestga per la stagiun da pestga 2010

  • Erste Mitteilung
  • Neuen Beitrag einfügen
Tar las preparativas per la stagiun da pestga tutga er la retratga da la patenta da pestga. Per pudair retrair la patenta per in onn u ina patenta mensila ston ins cumprovar ch'ins haja enconuschientschas da la pestga (attest obligatoric SaNa). Per quest intent vegnan purschids il mument en differents lieus dal chantun Grischun curs da scolaziun.

Tut las patentas da pestga vegnan retratgas sco fin ussa tar la surveglianza da pestga. Ultra da quai pon vegnir retratgas da nov patentas da pestga tar il museum da la natira dal Grischun a Cuira a partir dals 6 d'avrigl 2010, da mardi fin sonda, mintgamai da las 10.00 fin las 17.00. Medemamain pon patentas da pestga vegnir empustadas da nov en scrit cun ils documents necessaris tar l'uffizi da chatscha e pestga dal Grischun a Cuira e vegnir retratgas cunter quint.

Nov è medemamain ch'igl è pussaivel da pajar cun MaestroCard u cun PostCard en ils districts da pestga 3 (Landquart, Landwasser, Alvra), 4 (En, Maira) e 5 (En, Rom) sco er en il museum da la natira dal Grischun a Cuira.

En il fegl uffizial dal chantun Grischun dals 25 da mars 2010 e sin la pagina d'internet da l'uffizi da chatscha e pestga www.jagd-fischerei.gr.ch èn publitgadas per ils singuls districts da pestga ils lieus, ils termins sco er las premissas per pudair retrair ina patenta. Sche terzas persunas vulan retrair patentas per persunas cun domicil en il chantun Grischun, ston ellas preschentar in attest da domicil persunal da questas persunas. Formulars correspundents pon vegnir chargiads giu da la pagina d'internet da l'uffizi da chatscha e pestga. En cas ch'ina persuna fa ina dumonda en scrit per retrair ina patenta, sto ella medemamain agiuntar in attest da domicil.

Buna pestga!

Gremi: uffizi da chatscha e pestga
Funtauna: rg uffizi da chatscha e pestga
Neuer Artikel