Sin invit da la regenza grischuna visita la regenza dal chantun Lucerna gievgia, ils 9 da settember 2010, il chantun Grischun. L'inscunter serva en emprima lingia a tgirar las relaziuns amicablas ed a barattar experientschas.

Sin sia visita en il Grischun vegn la regenza da Lucerna manada da ses president Anton Schwingruber. Suenter il bainvegni dals giasts tras il president da la regenza dal Grischun Claudio Lardi a Landquart van las delegaziuns en il char-salun istoric da la Viafier retica a Tavau. Il gentar vegn servì sin la Schatzalp. Il suentermezdi vegn visità il museum Kirchner. La visita serva en emprima lingia a tgirar las relaziuns amicablas ed a barattar experientschas sin ils champs da la cultura, da l'economia e da la politica.


Infurmaziun per las medias:
Vers las 11.30 stattan las delegaziuns da Lucerna e dal Grischun a disposiziun a las medias davant la staziun da muntogna da Schatzalp a Tavau per ina fotografia.


Gremi: chanzlia chantunala dal Grischun
Funtauna: rg chanzlia chantunala dal Grischun