La promoziun da la cultura dal Grischun ha realisà quest onn per la terza giada ina concurrenza per promover la lavur culturala professiunala per projects pitschens. En tut èn vegnids premiads 10 projects.

La concurrenza è vegnida annunziada il zercladur 2010 en la pressa quotidiana grischuna ed en il bulletin d'art svizzer. Il termin d'annunzia è scadì ils 13 d'avust 2010. La giuria da la concurrenza ha analisà da mez avust fin mez settember ils 38 projects inoltrads che derivan da differentas spartas culturalas.

Ils projects che las artistas e ch'ils artists han inoltrà èn vegnids giuditgads da la giuria areguard lur qualitad ed areguard lur professiunalitad. Grazia als stipendis libers e grazia a las contribuziuns a las ovras duain las singulas artistas ed ils singuls artists pudair sa deditgar durant in tschert temp a lur activitad creativa u realisar in tschert project cultural, e quai independentamain d'in squitsch professiunal e finanzial.

Sin recumandaziun da la giuria da la concurrenza e sin proposta da l'uffizi da cultura sustegna il departament d'educaziun, cultura e protecziun da l'ambient las suandantas artistas ed ils suandants artists sco er lur projects cun ina contribuziun:

a) Remo Albert Alig, Flem
Sparta: art figurativ
Contribuziun a l'ovra: "Epitaph – eine tätowierte Wolkendecke", 10'000.– francs

b) Riccarda Caflisch, Cuira
Sparta: musica
Stipendi liber: "Projekt Sciarrino", 10'000.– francs

c) Gion Mathias Cavelty, Turitg
Sparta: litteratura
Contribuziun a l'ovra: "De ventre inferi" (trilogia), 10'000.– francs

d) Piero Del Bondio, Borgonovo
Sparta: art figurativ
Contribuziun a l'ovra: "Teatro Body Arts", 10'000.– francs

e) Heinz Girschweiler, Cuira
Sparta: musica/film documentar
Contribuziun a l'ovra: "Red Noses", 10'000.– francs

f) Anita Hansemann, Turitg
Sparta: litteratura
Contribuziun a l'ovra: "Larven" (trilogia da guauds), 10'000.– francs

g) Stefan Rüesch, Razén
Sparta: art figurativ
Contribuziun a l'ovra: "Landschaften Graubünden", 10'000.– francs

h) Thomas Sauter, Cuira
Sparta: art figurativ
Stipendi liber: "Malerei", 10'000.– francs

i) Carla Trachsler, Landquart
Sparta: art figurativ
Contribuziun a l'ovra: "Fotoemulsionen", 10'000.– francs

j) Dominik Zehnder, Farschno
Sparta: art figurativ
Contribuziun a l'ovra: "La nuova stanza illuminata", 10'000.– francs


Infurmaziuns:
Armon Fontana, promoziun da la cultura dal Grischun, tel. 081 254 16 02, e-mail: armon.fontana@afk.gr.ch 


Gremi: uffizi da cultura
Funtauna: rg uffizi da cultura