Navigation

Inhaltsbereich

  • Erste Mitteilung
  • Neuen Beitrag einfügen
La regenza grischuna ha approvà la cunvegna da las vischnancas da Grüsch, da Fanas e da Valzeina da fusiunar a la nova vischnanca da Grüsch. Ella ha deliberà la missiva correspundenta e propona al cussegl grond da metter en vigur la fusiun per il 1. da schaner 2011. Il cussegl grond vegn a tractar la fatschenta en la sessiun da december.

Tenor l'artitgel 64 da la constituziun chantunala promova il chantun la fusiun da vischnancas per garantir che lur incumbensas vegnian ademplidas en moda cunvegnenta ed economica. Per quest intent po il chantun pajar contribuziuns. La nova vischnanca da Grüsch survegn ina contribuziun da promoziun dal chantun en l'import da totalmain 4'000'000 francs. Sch'il cussegl grond accepta questa fusiun, vegn il dumber da vischnancas dal Grischun a sa reducir per il cumenzament da l'onn 2011 da 180 a 178.


Gremi: regenza
Funtauna: rg chanzlia chantunala dal Grischun
Neuer Artikel