Cuntegn da la pagina

La regenza dal Vorarlberg visita la regenza grischuna

  • Erste Mitteilung
  • Neuen Beitrag einfügen
La regenza dal Vorarlberg visita mardi, ils 2 da november 2010, la regenza grischuna. Questa scuntrada ha lieu a Flem.

Las duas regenzas tgiran gia dapi in temp pli lung in barat davart dumondas politicas actualas. Las scuntradas correspundentas han lieu alternantamain en il Vorarlberg ed en il Grischun. Sin sia visita en il Grischun vegn la regenza dal Vorarlberg manada dal guvernatur Herbert Sausgruber. Da vart dal Grischun sa participeschan il president da la regenza Claudio Lardi sco er la commembra ed ils commembers da la regenza.

L'object da la discussiun èn quest onn temas dal sectur da la furmaziun e da l'economia. Sco finiziun ha lieu ina tschaina communabla.


Termin per far fotografias:
A las 17.00 stattan il president da la regenza Claudio Lardi ed il guvernatur Herbert Sausgruber a disposiziun davant il pavigliun da l'hotel Waldhaus, Mountain Resort & Spa, Flem, per laschar far ina fotografia.


Gremi: Chanzlia chantunala dal Grischun
Funtauna: rg chanzlia chantunala dal Grischun
Neuer Artikel