Sin invit da la regenza visita l'ambassadur finlandais Alpo Rusi mesemna, ils 25 da matg 2011, il chantun Grischun.

Tar sia visita en il Grischun vegn l'ambassadur finlandais accumpagnà da sia consorta Leena Rusi. Suenter il bainvegni dals giasts en la chasa grischa a Cuira è previs in gentar cuminaivel. Ils ospitants èn il president da la regenza Martin Schmid ed il chancelier Claudio Riesen.

La regenza tgira annualmain contacts cun represchentantas e cun represchentants da stadis esters en Svizra. Quests discurs èn elements impurtants da las relaziuns externas dal chantun. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic.


Gremi: chanzlia chantunala dal Grischun
Funtauna: rg chanzlia chantunala dal Grischun