Cuntegn da la pagina

Novaziuns tar las elecziuns da las dretgiras districtualas 2012

  • Erste Mitteilung
  • Neuen Beitrag einfügen
Las elecziuns per la renovaziun totala da las dretgiras districtualas per la proxima perioda d'uffizi da 4 onns dal 1. da schaner 2013 fin ils 31 da december 2016 pon per l'emprima giada er vegnir fatgas sco elecziun taciturna. La basa legala necessaria per quai è vegnida stgaffida cun la revisiun da la lescha davart ils dretgs politics en il chantun Grischun dals 27 d'avust 2010. Tenor quella ha lieu in'elecziun taciturna, sch'il dumber da las persunas che candideschan correspunda al dumber dals posts che stattan a disposiziun. Sche quai è il cas, dastga la cumissiun administrativa da la dretgira districtuala respectiva declerar questas persunas sco elegidas. Sch'igl èn avant maun damain u dapli candidaturas, datti ils 17 da zercladur 2012 in'elecziun dal pievel en il district respectiv. Eventuals segunds scrutinis han lieu ils 8 da fanadur 2012.

Fin ils 12 da mars 2012 han ussa ils 11 uffizis districtuals da publitgar l'invit d'inoltrar propostas electoralas en la moda ch'è usitada en il district. Las propostas electoralas per las differentas funcziuns da derschader ston vegnir inoltradas fin il pli tard ils 23 d'avrigl 2012 a las 18.00 a l'uffizi districtual responsabel. Mintga proposta electorala sto vegnir suttascritta d'almain 5 persunas cun dretg da votar che abitan en il district. Cur ch'il termin d'annunzia è scadì, decidan las cumissiuns administrativas da las dretgiras districtualas immediatamain, sche las premissas per in'elecziun taciturna èn dadas e publitgeschan questa decisiun en la moda ch'è usitada en il district sco er supplementarmain en il fegl uffizial dal chantun Grischun.


Infurmaziuns:
Walter Frizzoni, vicechancelier, tel. 081 257 22 22


Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel