La regenza da la provinza autonoma Bulsaun-Tirol dal sid ha visità oz – sin invitaziun da la regenza grischuna – il chantun Grischun.

Las duas delegaziuns èn vegnidas timunadas dal guvernatur Luis Durnwalder e da la presidenta da la regenza Barbara Janom Steiner. Suenter il bainvegni dals giasts en la chasa grischa a Cuira è in gentar cuminaivel stà sin il program. Alura ha gì lieu ina visita guidada en la catedrala da Cuira.

Las regenzas dal Tirol dal sid e dal Grischun sa scuntran regularmain per discutar davart temas actuals e per tgirar contacts amicabels. Quests discurs èn elements impurtants da las relaziuns externas dal chantun.


Fotografia agiuntada: 

Il guvernatur Luis Durnwalder e la presidenta da la regenza Barbara Janom Steiner en la chasa grischa a Cuira.


Las duas delegaziuns davant la chasa grischa a Cuira.


Il guvernatur Luis Durnwalder.


Gremi: chanzlia chantunala dal Grischun
Funtauna: rg chanzlia chantunala dal Grischun