Cuntegn da la pagina

Il Grischun essan nus – la presidenta da la regenza va en las regiuns

  • Erste Mitteilung
  • Neuen Beitrag einfügen
Durant ses onn presidial vul la presidenta da la regenza Barbara Janom Steiner tgirar il contact cun la populaziun grischuna en tut las trais regiuns linguisticas dal chantun. Per quest intent ha ella envidà l'avust passà la populaziun d'inoltrar propostas per inscunters. Da las numerusas propostas inoltradas vegn ella a prender part da las suandantas diesch scuntradas:

20-10
Exposiziun "Ghiacciai ieri-oggi-domani", Cavaglia, Val Puschlav

21-10
Cursa populara "Transviamala", Tusaun / Donat

21-10
Museum da viafier a Bravuogn

26-10
Discussiun publica al podium, archiv grischun per la cultura da las dunnas, Cuira / Tusaun

27-10
Gieu a chasa dal club da ballape Cuira 97, plazza da sport Ringstrasse, a las 17.00

05-11
Visita dal plazzal Valle di Lei, Avras, cun la firma Crestageo SA e cun las Ovras electricas dal Rain posteriur

10-11
Collavuraziun cun l'Italia, associaziun "La Bregaglia", Castasegna

30-11
City Race, avertura da la stagiun da skis, San Murezzan

avert
Occurrenza en il Mesauc / Val Calanca (ils detagls vegnan anc sclerids)

avert
Occurrenza en la Val Müstair / Engiadina bassa (ils detagls vegnan anc sclerids)

Igl è previs da mintgamai annunziar las singulas scuntradas ensemen cun ils detagls. Ina scuntrada ha gia gì lieu (visita dal chastè Ortenstein, Tumegl). Circa diesch invitaziuns sto Barbara Janom Steiner refusar per motivs da termins.


Infurmaziuns:
presidenta da la regenza Barbara Janom Steiner, scheffa dal departament da finanzas e vischnancas, tel. 081 257 32 01


Gremi: departament da finanzas e vischnancas
Funtauna: rg departament da finanzas e vischnancas


Neuer Artikel