Cuntegn da la pagina

Pagina d'internet sustegna ils novs standards da l'internet

  • Erste Mitteilung
  • Neuen Beitrag einfügen
La plattafurma d'internet dal chantun Grischun è pronta per l'integraziun en las medias mobilas. Il design da las paginas d'internet è vegnì adattà levamain.
 
Las paginas da l'administraziun chantunala dal Grischun èn vegnidas sviluppadas vinavant. Las novas tecnologias sa basan sin ils standards da l'internet HTML5 e CSS3. Quests standards han l'avantatg che las paginas d'internet vegnan preschentadas optimalmain – independentamain da l'apparat e dal program d'internet – tant sin computers stabels sco er sin apparats mobils sco smartphones e tablets cun visurs da differentas grondezzas e da differentas resoluziuns. Tar la reproducziun da videos dal chantun Grischun vegn la nova tecnologia gia duvrada dapi il cumenzament da settember. En in'ulteriura fasa vegn optimada ils proxims mais la purschida online sin il portal uffizial dal Grischun www.gr.ch e cumplettada cun novas applicaziuns (apps) che sa basan sin l'internet e che pon vegnir installadas sin apparats mobils sco smartphones e tablets. Realisà vegn er in layout spezial per smartphones. Cun l'ulteriur svilup da la plattafurma d'internet è il design da www.gr.ch vegnì adattà levamain e la navigaziun sur il menu principal è vegnida concepida da nov areguard la grafica.
Neuer Artikel