Navigation

Inhaltsbereich

  • Erste Mitteilung
  • Neuen Beitrag einfügen
Il museum d'art dal Grischun a Cuira avra sias portas per l'exposiziun annuala da quest onn. Da 149 annunzias ha ina giuria admess 52 artistas ed artists a questa exposiziun.

Sco fin dal program d'exposiziun 2012 preschenta il museum d'art dal Grischun a Cuira l'exposiziun annuala da las artistas grischunas e dals artists grischuns. La vernissascha publica da l'exposiziun ha lieu damaun, sonda, ils 8 da december 2012, a las 17.00. L'exposiziun dat ina survista da la lavur artistica en e dal Grischun. Quest onn vegnan envidads 52 artistas ed artists da mussar lur ovras.
Tut en tut s'avevan annunziads 149 artistas ed artistas per sa participar a l'exposiziun cun ina documentaziun e cun ina proposta d'exposiziun da maximalmain trais ovras. Il dretg da sa participar han artistas ed artists che han il dretg da burgais dal Grischun u ch'èn creschids si en il Grischun sco er tuttas e tuts che han dapi almain in onn in domicil fix en il Grischun.
A la vernissascha salvan in pled cusseglier guvernativ Martin Jäger, Stephan Kunz, directur dal museum d'art dal Grischun, ed Andrea Masüger, mainagestiun da las Südostschweiz Medien. Durant l'exposiziun fin ils 20 da schaner 2013 datti mintga gievgia saira in guid public sco er ina bar d'art che envida a discurs tranter artistas ed artists ed il public interessà. 


Remartga:
Davart quest tema stat a disposiziun in video sut www.gr.ch
 

Infurmaziuns:
Stephan Kunz, directur dal museum d'art dal Grischun, tel. 081 257 28 61


Gremi: museum d'art dal Grischun
Funtauna: rg museum d'art dal Grischun
Neuer Artikel