A l'organ da surveglianza da chatscha èsi gartegià da confermar quatter lufs giuvens cun agid da traplas fotograficas. Sche gia tut ils lufs giuvens han uschia pudì vegnir registrads, resta intschert. Lufs vivan en il zuppà e vegnan per il solit observads u fotografads mo per casualitad. Per tuttina survegnir in maletg da l'existenza e dal svilup da l'effectiv dals lufs, vegnan perquai applitgadas er autras metodas da cumprova. Il lieu da la trapla fotografica na vegn betg tradì.

L'uffizi da chatscha e pestga appellescha a la populaziun d'annunziar las atgnas observaziuns a l'uffizi u a l'organ da surveglianza da chatscha.


Fotografia agiuntada:

Fotografia d'in luf giuven.
 

Infurmaziuns:
- dr. Georg Brosi, manader da l'uffizi da chatscha e pestga dal Grischun, tel. 081 257 38 92
- Hannes Jenny, biolog da selvaschina, uffizi da chatscha e pestga, tel. 081 257 38 92 


Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun