Il favrer 2014 han lieu ils examens d'admissiun chantunals per entrar en las scolas grischunas da talent. L'annunzia sto vegnir fatga en scrit.

Sin basa da la lescha da scola approvada dal cussegl grond il mars 2012 pon scolaras e scolars cun talents extraordinaris en sport u en musica vegnir promovids da nov en scolas da talent spezialas. Fin ussa han las scolas popularas a Champfèr ed a Glion la permissiun da manar ina purschida speziala per promover umans giuvens talentads.

L'examen d'admissiun per la 1. fin 3. classa da la scola da talent ha lieu ils 19 da favrer 2014. Fin ils 31 da schaner 2014 pon ins s'annunziar per quest examen sin la pagina d'internet www.avs.gr.ch.

Annunzias posteriuras na vegnan betg resguardadas. Ulteriuras infurmaziuns davart ils examens d'admissiun ed indicaziuns detagliadas davart la procedura d'annunzia en scrit stattan a disposiziun sin la pagina d'internet da l'uffizi per la scola populara ed il sport (www.avs.gr.ch). 


Infurmaziuns:
Thierry Jeanneret, manader da la partiziun "sport" e da la gruppa directiva per ils examens d'admissiun a las scolas da talent, tel. 081 257 27 51, e-mail thierry.jeanneret@avs.gr.ch  


Gremi: uffizi per la scola populara ed il sport
Funtauna: rg uffizi per la scola populara ed il sport