Cuntegn da la pagina

Sajettà in ulteriur luf en il Grischun

  • Erste Mitteilung
  • Neuen Beitrag einfügen
La fin d'emna passada ha in chatschader, che gieva a chatscha da guetta sin vulps en il Grischun dal nord, sajettà per sbagl in luf. Suenter ch'il chatschader ha realisà ses sbagl, è el immediatamain sa denunzià sez tar ils organs da surveglianza da chatscha. Tar il luf sajettà sa tracti d'in giuven animal masculin. El è vegnì sajettà en la regiun da la Tumleastga. Sch'i sa tracta en cas da l'animal sajettà d'in giuven animal masculin da la rotscha dal Calanda po pir vegnir ditg suenter che sia DNA è vegnida analisada. La chatscha da guetta, durant la quala vegnan sajettadas oravant tut vulps, dura anc fin la fin da favrer.

Tranter la sajettada illegala il cumenzament da l'onn e questa sajettada per sbagl na datti nagin connex. 

Quatter ulteriurs lufs da la rotscha dal Calanda èn identifitgads geneticamain
Sin basa d'emprovas d'excrement han pudì vegnir identifitgads quatter ulteriurs animals da la rotscha dal Calanda. I sa tracta da dus animals masculins M42 ed M43 e da dus animals feminins F10 ed F11. Cun gronda probabilitad sa tracti da luffins ch'èn naschids l'onn 2013. 
 
 
Infurmaziuns:
dr. Georg Brosi, manader da l'uffizi da chatscha e pestga dal Grischun, tel. 081 257 38 92, e-mail georg.brosi@ajf.gr.ch  
 

Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun
Neuer Artikel