Cuntegn da la pagina

Elecziuns cirquitalas – resultats dal segund scrutini e da l'elecziun cumplementara dals 15 da zercladur 2014

  • Erste Mitteilung
  • Neuen Beitrag einfügen
Ils resultats dal segund scrutini da las elecziuns cirquitalas e da l'elecziun cumplementara en il chantun Grischun èn vegnids publitgads en l'internet sut www.gr.ch/kw.

En ils suandants circuls han las votantas ed ils votants anc surdà mandats: 
  • circul da Suot Tasna: Pervia da l'elecziun da Jon Domenic Parolini ils 18 da matg 2014 tant en la regenza sco er en il cussegl grond ha gì lieu in'elecziun cumplementara per il sez en il cussegl grond. Perquai che nagina candidata e nagin candidat n’ha cuntanschì la maioritad absoluta, ha lieu in segund scrutini dumengia, ils 6 da fanadur 2014.
  • circul da la Foppa e circul da Claustra: En ils circuls da la Foppa e da Claustra è vegnì occupà mintgamai in sez.
  • circul da la Razén e circul da Sur Tasna: En il circul da Razén èn vegnids elegids dus ulteriuras suppleantas u ulteriurs suppleants al cussegl grond, en il circul da Sur Tasna è vegnì elegì anc ina suppleanta u in suppleant al cussegl grond.
Ils resultats da las elecziuns cirquitalas (scrutinis dals 18 da matg 2014 e dals 15 da zercladur 2014) èn consultabels sut www.gr.ch/kw. Proximamain vegn messa ina cumpilaziun detagliada da tut ils resultats en la rait cun la repartiziun dals sezs en il cussegl grond sco er cun las glistas dals nums.
 

Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel