Navigation

Inhaltsbereich

  • Erste Mitteilung
  • Neuen Beitrag einfügen
Il resultat dal segund scrutini dad oz per l'elecziun cumplementara en il circul da Suot Tasna è vegnì publitgà en l'internet sut www.gr.ch/kw. Uschia è il parlament grischun cumplet per la nova perioda da legislatura 2014 fin 2018.

Pervia da l'elecziun da Jon Domenic Parolini ils 18 da matg 2014 tant en la regenza sco er en il cussegl grond ha gì lieu ils 15 da zercladur 2014 en il circul da Suot Tasna in'elecziun cumplementara per il sez en il cussegl grond. Perquai che nagin candidat n'ha cuntanschì la maioritad absoluta, è vegnì organisà oz dumengia, ils 6 da fanadur 2014, in segund scrutini. Il resultat dal circul da Suot Tasna è publitgà sin www.gr.ch/kw. Consultada po er vegnir la survista totala dals resultats da las elecziuns cirquitalas 2014 inclusiv la glista da nums da las commembras e dals commembers dal cussegl grond elegids per la nova perioda da legislatura a partir da la sessiun d'avust 2014.


Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel