Cuntegn da la pagina

Il president da la regenza Mario Cavigelli scuntra il vicechancelier Sigmar Gabriel

  • Erste Mitteilung
  • Neuen Beitrag einfügen
Il president da la regenza Mario Cavigelli è sa scuntrà oz a Cuira cun il vicechancelier tudestg Sigmar Gabriel per in discurs da lavur. Il discurs ha tractà la vieuta energetica en Europa. Ils chantuns alpins contribueschan cun lur forza idraulica ina part essenziala en chaussa.

Il minister per economia ed energia da la Germania, Sigmar Gabriel, è stà oz suentermezdi, pervia d'ina invitaziun al forum economic da la Svizra sidorientala, en la chapitala grischuna. Suenter il forum economic è Gabriel sa scuntrà cun il president da la regenza dal Grischun Mario Cavigelli per in discurs. Cavigelli che presidiescha er la conferenza da las regenzas dals chantuns alpins (CRCA), ha profità da l'occasiun per declerar al vicechancelier tudestg la vista dals chantuns alpins da la Svizra e la rolla da la forza idraulica en la nova politica d'energia. Uschia ha Cavigelli renvià en spezial a l'impurtanza da la forza idraulica per garantir la segirezza transcunfinala dal provediment. Er la cunvegna bilaterala davart l'energia electrica tranter la Svizra e l'uniun europeica che manca anc è vegnida discutada. Per l'economia publica dals chantuns alpins ha la forza idraulica ina gronda impurtanza. Ella gida considerablamain a realisar la vieuta energetica en Svizra ed en Europa. Singulas interpresas giogan ultra da quai ina rolla impurtanta sin il martgà internaziunal d'electricitad. 
 

Hinweis an die Medien:
Das heute Morgen angekündigte Foto zum Treffen entfällt.



Gremi: regenza
Funtauna: rg chanzlia chantunala dal Grischun
Neuer Artikel