Navigation

Inhaltsbereich

  • Erste Mitteilung
  • Neuen Beitrag einfügen
Il chantun Grischun ha publitgà quest onn per la settavla giada ina concurrenza per promover la lavur culturala professiunala per projects pitschens. En tut èn vegnids inoltrads 34 projects.

La concurrenza era vegnida annunziada mez zercladur 2014 en la pressa quotidiana grischuna. Il termin d'annunzia è scadì ils 22 d'avust 2014. Sco commembers da la cumissiun han Esther Krättli Jenny, presidenta da la cumissiun per concurrenzas da la lavur culturala professiunala (projects gronds) e commembra da la cumissiun chantunala per promover la cultura, Robert Grossmann, commember da la cumissiun per concurrenzas da la lavur culturala professiunala (projects gronds) ed Armon Fontana, promoziun da la cultura dal Grischun, examinà ils 34 projects inoltrads che derivan da differentas spartas culturalas.

Sin recumandaziun da la cumissiun da concurrenza e sin proposta da l'uffizi da cultura sustegna il departament d'educaziun, cultura e protecziun da l'ambient las suandantas artistas ed ils suandants artists sco er lur projects cun ina contribuziun da mintgamai 10 000 francs:

a) Gianin Conrad
Sparta: Art figurativ
Project "Der plastische Moment"

b) Seraina Feuerstein
Sparta: Art figurativ
Project "Raum und Zwischenraum"

c) Romana Ganzoni
Sparta: Litteratura
Project "Materia Prima"

d) Michael Gertschen
Sparta: Musica
Project "Freie kompositorische Arbeit"

e) Pascal Lampert
Sparta: Art figurativ
Project "Wasserwerke"

f) Ossi Möhr
Sparta: Art figurativ
Project "Hydro kann kein Griechisch"

g) Claudio Pagelli
Sparta: Art applitgà
Project "Die Afrikanische / Die Kubistische"

h) Ines Marita Schärer
Sparta: Art figurativ
Project "Erschliessung von unbekanntem Gebiet"

i) Sören Senn
Sparta: Film
Project "Die Vernichtung des Thomas Massner"

j) Gieri Venzin
Sparta: Film
Project "Tambora" 
 

Infurmaziuns:
- Barbara Gabrielli, manadra da l'uffizi da cultura, tel. 081 257 48 01, e-mail: barbara.gabrielli@afk.gr.ch  
- Armon Fontana, promoziun da la cultura dal Grischun, tel. 081 257 48 02, e-mail: armon.fontana@afk.gr.ch  
 
 
Gremi: uffizi da cultura
Funtauna: rg uffizi da cultura
Neuer Artikel