Navigation

Inhaltsbereich

  • Erste Mitteilung
  • Neuen Beitrag einfügen
Tut ils muntgs, tut las mungias e tut ils magistrats da la claustra da Müstair dal cumenzament fin al di dad oz unids en in tom. 

Per la fin dal grond onn da giubileum da Carl il Grond edescha l'archiv dal stadi dal Grischun ina nova publicaziun davart la claustra da Müstair. Il cudesch "Mönche – Nonnen – Amtsträger. Ein biografisches Handbuch zum Kloster St. Johann in Müstair (8. bis 21. Jahrhundert)" preschenta per l'emprima giada tut las persunas clericalas e secularas ch'èn stadas en il servetsch da la claustra da Müstair. Tut en tut vegnan preschentadas passa 500 biografias da muntgs, mungias, avats resp. abadessas u magistrats profans. Las biografias cuntegnan infurmaziuns davart l'origin dals umans enturn la claustra e mussan – uschenavant che quai è enconuschent – lur staziuns biograficas entaifer ed ordaifer il convent. Sco ovra prosopografica (collectiv-biografica) serra quest cudesch ina largia da la perscrutaziun da l'istorgia da baselgia surregiunala. Ultra da quai mussa el l'impurtanza culturala da la claustra per la Val Müstair e per ils conturns. 

 
Illustraziun:

Il cudesch po vegnir empustà a partir d'immediat. La vernissascha vegn ad avair lieu ils 30 da schaner 2015 en la claustra da Müstair.


Infurmaziuns:
Reto Weiss, archivari dal stadi, uffizi da cultura, tel. 081 257 28 01, e-mail reto.weiss@sag.gr.ch  


Gremi: Archiv dal stadi
Funtauna: rg Archiv dal stadi
Neuer Artikel