Ils presidents da las regenzas dals chantuns Grischun e Tessin visitan oz cuminaivlamain las scolaras ed ils scolars da las scolas secundaras e realas da la Val Mesauc e da la Val Calanca.

Tant il president da la regenza dal Grischun Martin Jäger sco er il president da la regenza dal chantun Tessin Manuele Bertoli mainan il departament d'educaziun da lur chantun. Ina visita da scola pussibilitescha perquai il barat d'experientschas e d'infurmaziuns.

Las scolaras ed ils scolars pon tschentar dumondas davart la lavur dals presidents da las regenzas, ma er davart il sistem da furmaziun e davart ses svilup futur. Bleras scolaras e blers scolars profitan numnadamain da lur pussaivladad da cuntinuar cun lur scolaziun suenter il temp obligatoric da scola en il chantun vischin Tessin.

A la fin da la visita vegn servì in aperitiv als presidents da las regenzas sco er a las commembras ed als commembers preschents da l'autoritad regiunala da scola.


Infurmaziuns:
president da la regenza Martin Jäger, schef dal departament d'educaziun, cultura e protecziun da l'ambient, tel. 081 257 27 01, e-mail Martin.Jaeger@ekud.gr.ch  
 

Gremi: regenza
Funtauna: rg chanzlia chantunala dal Grischun