Navigation

Inhaltsbereich

  • Erste Mitteilung
  • Neuen Beitrag einfügen
Ils 18 d'october 2015 elegian las votantas ed ils votants dal Grischun en las elecziuns dal cussegl naziunal e dal cussegl dals chantuns lur set represchentantas e represchentants per ils proxims quatter onns a Berna. Co ch'il chantun e las vischnancas sa preparan per questas elecziuns mussa sut www.gr.ch in video nov da la chanzlia chantunala.
 
Las elecziuns naziunalas èn da gronda impurtanza er per il Grischun. Perquai han il chantun e las vischnancas gia cumenzà cun las preparaziuns per questas elecziuns organisatoricamain pretensiusas. I ston vegnir preparadas diversas chaussas per ch'ils resultats possian vegnir eruids sco er communitgads en moda correcta e svelta il di d'elecziun.

Il chantun porta la responsabel per la realisaziun da la procedura d'annunzia a las elecziuns. Latiers tutga la controlla da las glistas electoralas e da las decleraziuns da las colliaziuns da glistas sco er l'attribuziun dals numers a las glistas. Alura vegn fatga la producziun dals cudeschets cun ils cedels electorals e la spediziun a las vischnancas. Ultra da quai metta il chantun a disposiziun il program per registrar ils resultats da las elecziuns, instruescha las vischnancas e fa cun quellas in'elecziun da test. Las vischnancas da lur vart organiseschan agens biros electorals communals. Ellas èn responsablas per la consegna dal material electoral a las votantas ed als votants, controllan e rectifitgeschan las vuschs consegnadas il di d'elecziun e registreschan quellas cun il program da computer. 
 

Infurmaziuns:
- Walter Frizzoni, vicechancelier, chanzlia chantunala dal Grischun, tel. 081 257 22 22, e-mail: Walter.Frizzoni@staka.gr.ch  


Gremi: chanzlia chantunala
Funtauna: rg chanzlia chantunala
Neuer Artikel