Ils ultims dis ha l'organ da surveglianza da chatscha pudì furnir la cumprova ch'il triep da lufs dal Calanda è sa reproducì per la quarta giada. A chaschun d'ina observaziun tras l'organ da surveglianza da chatscha en il liber han pudì vegnir observads il medem mument trais lufs giuvens. Ins sto pia partir d'almain trais animals giuvens. Ils ultims trais onns han pudì vegnir observads mintgamai en il decurs da l'atun tschintg fin sis lufs giuvens che han er pudì vegnir confermads geneticamain.
Las fotografias agiuntadas mussan dus dals trais lufs giuvens dal triep dal Calanda che han pudì vegnir cumprovads ils ultims dis.
Lufs giuvens dal triep da lufs dal Calanda, annada 2015
(© fotografia UCP, guardiaselvaschina Spadin)
Luf giuven dal triep da lufs dal Calanda, annada 2015
(© fotografia UCP, guardiaselvaschina Spadin)
Infurmaziuns:
- dr. Georg Brosi, manader da l'uffizi da chatscha e pestga dal Grischun, tel. 081 257 38 92
- Hannes Jenny, biolog da selvaschina, uffizi da chatscha e pestga dal Grischun, tel. 081 257 38 92
Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun