Navigaziun principala

Cuntegn da la pagina

innocenta e sula – La sennatuntschi

  • Erste Mitteilung
  • Neuen Beitrag einfügen
Ina represchentaziun ospitanta dal museum d'art dal Grischun en il museum retic è deditgada a l'object misterius "sennatuntschi" e maina art contemporan en ils locals dal museum istoric. L'exposiziun dura dals 9 d'october 2015 fin ils 21 da favrer 2016. Ina impressiun da la represchentaziun ospitanta dat in nov video da la chanzlia chantunala dal Grischun sut www.gr.ch.

Adina puspè stgaffeschan umans visavis pli u main veritabels. Quai ch'è vegnì recepì pliras giadas en la mitologia ed en las ditgas, è ina materia fitg populara er en la litteratura ed en l'art figurativ. E gist sco ch'il tema da la "sennatuntschi" ha chattà access al mund dal teater e dal film, chatta el ses reflexs er en l'art contemporan. Las duas artistas da Turitg Klodin Erb ed Eliane Rutishauser sa basan sin la ditga da la "sennatuntschi" e s'avischinan a la materia cun ina forza subversiva. Lunsch davent da mintga impetus moral accentueschan las artistas en lur gruppa d'ovras multimedialas "Baby" la vart anarchica da l'istorgia e fan in gieu sulamain divertent cun noss giavischs e cun nossas temas.
Il museum d'art dal Grischun ha acquistà questa lavur da pliras parts l'onn 2014 e l'avischina – en il rom d'ina represchentaziun ospitanta – directamain a la curiusa poppa-signun dal museum retic. Cun quai duai vegnir mess il focus sin in singul object dal museum istoric ed a medem temp duai vegnir preschentada ed intermediada ina nova acquisiziun dal museum d'art. Che la fantasia masculina scuntra qua sin ina perspectiva feminina, n'è betg casual, mabain vulì. La realitad legendara da la "sennatuntschi" innocenta e sula po vegnir vesida uschia en ina moda fitg cumplexa.


Infurmaziuns:
- Stephan Kunz, directur dal museum d'art dal Grischun, tel. 081 257 28 61, e-mail: stephan.kunz@bkm.gr.ch
- Silvia Conzett, manadra dal project, tel. 081 257 48 30, e-mail: silvia.conzett@rm.gr.ch


Gremi: museum retic
Funtauna: rg museum retic
Neuer Artikel