Il chantun Grischun ha publitgà quest onn per l'otgavla giada ina concurrenza per promover la lavur culturala professiunala per projects pitschens. En tut èn vegnids inoltrads 20 projects.

La concurrenza è vegnida annunziada mez zercladur 2015 en la pressa quotidiana grischuna, il termin d'annunzia è scadì ils 21 d'avust 2015. La cumissiun da concurrenza ha giuditgà 20 dumondas ch'èn vegnidas inoltradas en las suandantas spartas: art figurativ (9), film (1), istorgia e memoria (1), litteratura (4), musica (2) e teater (3).

Il departament d'educaziun, cultura e protecziun da l'ambient ha decidì – sin proposta da la cumissiun da concurrenza e da l'uffizi da cultura – davart la surdada da las contribuziuns ad ovras. Las suandantas sis artistas ed artists survegnan ina contribuziun ad in'ovra d'in import da mintgamai 10 000 francs:

• Bahur Ghazi
  Sparta: musica    
  Project: "Palmyra"
                        
• Luca Maurizio
  Sparta: teater
  Project: "Crescete e moltiplicatevi"
      
• Bianca Mayer
  Sparta: litteratura
  Project: "Bibi Vaplan e las culurs dals pleds“
   
• Christian Ruch
  Sparta: istorgia e memoria
  Project "Samnaun zwischen 1938 und 1945"
       
• Georg Scharegg    
  Sparta: teater
  Project: "La müdada – Die Wende“
         
• Bettina Wachter
  Sparta: art figurativ
  Project "Grosse fette Beute"

           
Infurmaziuns:
- Barbara Gabrielli, manadra da l'uffizi da cultura, Loëstrasse 26, 7001 Cuira, telefon 081 257 48 01, e-mail: barbara.gabrielli@afk.gr.ch  
- Armon Fontana, promoziun da la cultura dal Grischun, Loëstrasse 26, 7001 Cuira, telefon 081 257 48 02, e-mail: armon.fontana@afk.gr.ch  


Gremi: uffizi da cultura
Funtauna: rg uffizi da cultura