Navigation

Inhaltsbereich

  • Erste Mitteilung
  • Neuen Beitrag einfügen
La viticultura da l'onn 2015 porta ina qualitad excellenta. Il pinot noir, la spezia da vit la pli impurtanta dal Grischun, ha cuntanschì in cuntegn ideal da zutger da 98 grads Oechsle. La vendemia è stada levamain sut la media.

La racolta ha purtà tut en tut 2,8 milliuns kg u 21 140 hl (16 240 hl vin cotschen e 4900 hl vin alv). Ella è stada 5 pertschient pli bassa che la media da 10 onns. Questa quantitad correspunda a 2,8 milliuns buttiglias da vin a 7,5 dl u 15 buttiglias per mintga abitanta u abitant dal Grischun. Sche las buttiglias vegnissan messas en lingia, resultass ina colonna da 225 kilometers, quai che correspundess ad in traject da Cuira fin bunamain a Bienna.
Il pinot noir ha cuntanschì legraivels 98 grads Oechsle. Cun questa valur sa laschan calcular il pais specific, il cuntegn da zutger approximativ ed il cuntegn d'alcohol potenzial. In liter da quest pinot noir paisa 1098 grams, pia 98 grams dapli ch'in liter aua. En in liter suc dad ivas datti bunamain 200 grams zutger en furma dissolvida. E betg sco ultim sa lascha calcular il cuntegn d'alcohol cun quest dumber, e quai a maun da la suandanta furmla: (98-15):6, quai dat 13.8 pertschient vol.
Las viticulturas ed ils viticulturs han giudì la viticultura 2015. La qualitad da las ivas è stada fitg buna, quai che lascha spetgar in'annada excellenta. Las amaturas ed ils amaturs da vin dal Grischun pon sa persvader da quai il pli tard la proxima primavaira, cur che l'emprim vin da l'onn 2015 vegn mess en buttiglias.


Infurmaziuns:
Hans Jüstrich, post spezialisà per pumicultura e viticultura al Plantahof, tel. 081 257 60 60, e-mail: Hans.Juestrich@plantahof.gr.ch


Gremi: Plantahof
Funtauna: rg Plantahof
Neuer Artikel