Ils ultims dis ha l'organ da surveglianza da chatscha pudì furnir la cumprova ch'il triep dals lufs dal Calanda è sa reproducì per la tschintgavla giada.

Pliras fotografias d'ina trapla fotografica dal territori dals lufs conferman las observaziuns ch'èn vegnidas annunziadas da persunas privatas ils ultims dis. Sin basa da las fotografias fatgas ston ins far quint cun almain sis lufs giuvens. Ils ultims quatter onns han pudì vegnir observads mintgamai en il decurs da l'atun tschintg fin set lufs giuvens che han er pudì vegnir confermads geneticamain. La fotografia agiuntada mussa sper in luf creschì sis lufs giuvens dal triep dal Calanda.

Fotografia agiuntada:

 

Lufs giuvens dal triep dals lufs dal Calanda, annada 2016 (trapla fotografica UCP)


Auskunftspersonen:
- dr. Georg Brosi, manader da l'uffizi da chatscha e pestga dal Grischun, tel. 081 257 38 92, email Georg.Brosi@ajf.gr.ch
- Hannes Jenny, biolog da selvaschina, uffizi da chatscha e pestga dal Grischun, tel. 081 257 38 92, email Hannes.Jenny@ajf.gr.ch


Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun