Il chantun Grischun ha publitgà quest onn per la novavla giada ina concurrenza per promover la lavur culturala professiunala per projects pitschens. En tut èn vegnids inoltrads 34 projects.

La concurrenza è vegnida annunziada mez zercladur 2016 en la pressa quotidiana grischuna, il termin d'annunzia è scadì ils 26 d'avust 2016. La cumissiun da concurrenza ha giuditgà 34 dumondas ch'èn vegnidas inoltradas en las suandantas spartas: art applitgà (4), art figurativ (12), film (3), istorgia e memoria (3), litteratura (3), musica (5), saut (1) e teater (3).

Il departament d'educaziun, cultura e protecziun da l'ambient ha decidì – sin proposta da la cumissiun da concurrenza e da l'uffizi da cultura – davart la surdada da las contribuziuns ad ovras. Las suandantas diesch artistas ed artists survegnan ina contribuziun ad in'ovra d'in import da mintgamai 10 000 francs:

• Flavia Devonas
Sparta: saut
Project: "Die Fontana-Akte. Ein Tanztheater"

• Madlaina Fontana
Sparta: art figurativ
Project: "Fotografie - Druckgrafik"

• Anita Hansemann
Sparta: litteratura
Project: "Madrisa nera“ (titel da lavur)

• Felicitas Heyerick
Sparta: musica
Project: "Bünda goes Broadway" (titel da lavur)

• Martina Hug
Sparta: musica
Project: "Volkslieder in der neuen Heimat Argentinien" (titel da lavur)

• Manfred Koch
Sparta: istorgia e memoria
Project: "Londons Eisgebirg. Leslie Stephen und die Entdeckung der Schweizer Alpen"

• Marc Lardon, Daniel Sailer
Sparta: musica
Project: "Kontrabach"

• Alessandro Ligato
Sparta: art figurativ
Project: "A memoria. Immagini salvate di vita e spazi del Collegio Sant'Anna di Roveredo"

• Reto Mathis
Sparta: litteratura
Project: "Fast Food für Nichtleser" (titel da lavur)

• Eva Roselt
Sparta: film
Project: "Ich seh etwas, was du nicht siehst"


Infurmaziuns:
- Barbara Gabrielli, manadra da l'uffizi da cultura, tel. 081 257 48 01, e-mail Barbara.Gabrielli@afk.gr.ch
- Armon Fontana, promoziun da la cultura dal Grischun, tel. 081 257 48 02, e-mail Armon.Fontana@afk.gr.ch  


Gremi: uffizi da cultura
Funtauna: rg uffizi da cultura