Navigation

Inhaltsbereich

  • Erste Mitteilung
  • Neuen Beitrag einfügen
Dapi onns maina l'uffizi da migraziun e da dretg civil en differents lieus en il chantun alloschis collectivs per persunas dal sectur d'asil. A la gestiunaria statti zunt a cor da mussar a la populaziun indigena, co ch'in tal manaschi funcziuna.

Per quest motiv vegnan organisads dis publics en dus centers da transit. Cumenzà ha il center da transit Valbella a Litzirüti ils 24 da settember 2016. Sonda, ils 29 d'october 2016, ha lieu ina tala occurrenza er en il center da transit Rustico a Laax. Tranter las 11.00 e las 15.00 avra il center sias portas per la publicitad. Mez favrer 2015 è vegnì mess en funcziun il center da transit, ussa pon persunas interessadas dar in sguard en tal e discurrer cun sias abitantas e ses abitants.

Cun grond plaschair e bler engaschi han las requirentas ed ils requirents d'asil preparà in pèr chaussas per questa occurrenza. Las visitadras ed ils visitaders pon sa legrar d'in pitschen viadi cultural e culinaric enturn il mund. I vegnan purschidas delicatessas tipicas da differents pajais. Las visitadras ed ils visitaders survegnan er ina invista dal mintgadi betg adina facil en il center da transit, nua che persunas da las culturas las pli differentas vivan ensemen.

Fotografia agiuntada:
-
Center da transit Rustico a Laax


Infurmaziuns:
- Marcel Suter, manader da l'uffizi da migraziun e da dretg civil dal Grischun,
tel. 081 257 25 21, e-mail Marcel.Suter@afm.gr.ch
- Georg Carl, manader da la partiziun "asil e return", tel. 081 257 25 49, e-mail Georg.Carl@afm.gr.ch


Gremi: uffizi da migraziun e da dretg civil
Funtauna: rg uffizi da migraziun e da dretg civil
Neuer Artikel