Zum Seiteninhalt

Cooperaziun tranter ils chantuns Glaruna e Grischun en il sectur da l'instrucziun da la protecziun civila

  • Erste Mitteilung
  • Neuen Beitrag einfügen
Ils appartegnents da la protecziun civila glarunaisa vegnan instruids en il futur ensemen cun lur camerads grischuns en il center d'instrucziun da protecziun civila Meiersboden a Cuira. Il cusseglier guvernativ glarunais Andrea Bettiga ed il cusseglier guvernativ grischun Christian Rathgeb han suttascrit dacurt a Cuira ina decleraziun d'intenziun correspundenta.

Ils chantuns Glaruna e Grischun han gia ina cooperaziun che funcziuna bain tar ils fatgs da sanadad ed en ils secturs da la sanadad d'animals e da la segirezza da victualias.

Sco chantuns muntagnards han il Grischun e Glaruna basegns sumegliants en il sectur da la protecziun civila. Correspundentamain datti gia oz blers puncts cuminaivels e sinergias en quai che pertutga l'orientaziun da las organisaziuns da protecziun civila da quests dus chantuns. Per exempel sa basa l'organisaziun actuala dals piuniers da cumbat cunter epidemias en il chantun Glaruna sin il concept grischun e vegn realisada en stretga collavuraziun.

Ils manaders dals uffizis responsabels Adriano Bottoni (Glaruna) e Martin Bühler (Grischun) vesan ina gronda schanza en la cooperaziun da sviluppar vinavant cuminaivlamain las organisaziuns da protecziun civila dals dus chantuns e da rinforzar il Meiersboden a Cuira anc pli fitg sco lieu d'instrucziun. Grazia a la collavuraziun fan tuts dus chantuns quint cun respargns da custs. Per ils Glarunais ch'èn obligads da far servetsch da protecziun civila e ch'èn vegnids instruids fin ussa a Sviz, Cham e Sempach vegn il temp da viadi a sa reducir ed i s'avran dapli pussaivladads da chattar in termin cunvegnent per l'instrucziun.

Fotografia:
-
(da davant a sanestra) ils cussegliers guvernativs Christian Rathgeb ed Andrea Bettiga, Martin Bühler, manader da l'uffizi da militar e da protecziun civila, Daniel Spadin, secretari dal departament, Adriano Bottoni, manader principal da la secziun militar e protecziun civila


Infurmaziuns:
- Cusseglier guvernativ Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch
- Martin Bühler, manader da l'uffizi da militar e da protecziun civila, tel. 081 257 35 22, e-mail Martin.Buehler@amz.gr.ch


Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel