Zum Seiteninhalt

Di da la Svizra a Hamburg cun il Grischun sco chantun ospitant

  • Erste Mitteilung
  • Neuen Beitrag einfügen
Passa 150 giasts han suandà ier saira l'invit dal consul onurari svizzer a Hamburg, Michael Eggenschwiler, a chaschun dal di da la festa naziunala svizra. Il chantun Grischun, envidà sco chantun ospitant, è vegnì represchentà dal cusseglier guvernativ dr. Jon Domenic Parolini. En ses pled da salid ha el punctuà las relaziuns amicablas tranter il chantun e la citad da Hamburg.

Dus dis suenter il 1. d'avust ha gì lieu a Hamburg il di tradiziunal da la Svizra cun il chantun Grischun sco chantun ospitant. La delegaziun grischuna è vegnida manada dal cusseglier guvernativ dr. Jon Domenic Parolini, directur da l'economia publica, e da Myriam Keller, vicemainagestiun da Grischun vacanzas. Davant ils giasts envidads da la politica, da l'economia e da la cultura da Hamburg sco er d'interprendiders svizzers da la regiun ha cusseglier guvernativ Parolini menziunà en ses salid ils puncts cuminaivels tranter Hamburg ed il Grischun: L'element cuminaivel da questas duas regiuns è l'aua. Il chantun Grischun è l'origen d'in grond dumber da flums ed uschia ina funtauna da vita impurtanta per tut l'Europa. En il port da Hamburg stgargian bastiments da container gigantescs lur martganzia da tut il mund e provedan l'entira Europa cun rauba.

La relaziun tranter il Grischun e Hamburg surpassa però quest element natiral. Persunalitads impurtantas da Hamburg han ina relaziun speziala famigliara ed economica cun il Grischun. En lur pe èn signur prof. dr. h.c. Klaus-Michael Kühne e sia consorta Christine Kühne sco er signur senatur d'onur Horst Rahe e sia consorta Wera Rahe sa participads a las festivitads sco giasts d'onur dal chantun Grischun.

Fotografia:
-
Ils giasts d'onur dal chantun Grischun, senatur d'onur Horst Rahe e prof. dr. h.c. Klaus-Michael Kühne, ensemen cun cusseglier guvernativ dr. Jon Domenic Parolini


Infurmaziuns:
- Cusseglier guvernativ dr. Jon Domenic Parolini, schef dal departament d'economia publica e fatgs socials, tel. 081 257 23 01, e-mail Jondomenic.Parolini@dvs.gr.ch
- Marcus Hassler, secretari dal departament d'economia publica e fatgs socials, tel. 081 257 23 12, e-mail Marcus.Hassler@dvs.gr.ch


Gremi: departament d'economia publica e fatgs socials
Funtauna: rg departament d'economia publica e fatgs socials
Neuer Artikel