Zum Seiteninhalt

Communicaziun da la regenza dals 10 d'avust 2017

  • Erste Mitteilung
  • Neuen Beitrag einfügen
La regenza ha stgaffì las basas legalas per viandar en il fund da la val senza interrupziun tras la Ruinaulta. Ultra da quai ha ella augmentà il pais maximal permess sin duas vias chantunalas da colliaziun sanadas.

Glisch verda per viandar senza interrupziun tras la Ruinaulta
La regenza ha approvà cun in pèr cundiziuns la revisiun parziala da la planisaziun locala da Trin, concludida da la vischnanca ils 21 da zercladur 2016. Cun quai ha ella stgaffì las basas legalas per construir in nov traject da la senda da viandar en la Ruinaulta. La nova senda duai manar da la staziun da Trin a la punt "Isla-Bella" per lung dal trassé da la Viafier retica sco er tras in tunnel da peduns. Cun il traject planisà duai vegnir pussibilità da viandar da nov senza interrupziun en il fund da la val tras tut la Ruinaulta.

-
Senda da viandar planisada (mellen) cun tunnel da peduns (blau) en la Ruinaulta

Augment dal pais maximal permess sin vias chantunalas da colliaziun
Sin conclus da la regenza vegn il pais maximal permess augmentà sin duas vias chantunalas da colliaziun, suenter ch'ellas èn vegnidas sanadas. Sin ina lunghezza da var 1 kilometer dastga la via da Lunden a Buchen en il Partenz vegnir duvrada da nov da camiuns da 32 tonnas. Il medem vala per ils ca. 3 kilometers da la via da Monbiel tranter Claustra e Monbiel.


Gremi: regenza
Funtauna: rg chanzlia chantunala dal Grischun
Neuer Artikel