Zum Seiteninhalt

Sin in nov trassé a Valzeina

  • Erste Mitteilung
  • Neuen Beitrag einfügen
Suenter in temp da construcziun da circa 3 onns po oz vegnir surdà al traffic in nov trassé da la via da Valzeina en il rom d'ina festa d'avertura. Il nov trassé cun custs totals da circa 8 milliuns francs meglierescha la segirezza dal traffic e dal manaschi e pia l'access al vitg da Valzeina.

La via da Valzeina è ina part da la rait chantunala da vias da colliaziun e dat access a la fracziun da Valzeina da la vischnanca da Grüsch. Fin ussa sa sparteva la via da Valzeina sut il Gätziloch da la via da Chlus respectivamain da la via dal Partenz A28. Il traject parzial da la via da Valzeina d'enfin ussa tranter il Gätziloch ed il territori Geissgaden na correspundeva betg pli a las pretensiuns actualas envers ina via chantunala ed era cun ina pendenza longhitudinala da circa 18 pertschient fitg taiss.

Ils ultims 3 onns è vegnì construì in nov trassé per quest traject da la via da Valzeina en ils territoris Au ed Überlandquart. Il nov trassé cumenza tar la punt Überlandquart e sbucca suenter circa 2,1 kilometers puspè en la via existenta da Valzeina. La part principala dal nov trassé è la punt da betun armà sur l'aual Schranggabach. Cunzunt il sectur privlus dal Gätziloch vegn eliminà e la segirezza per ils participants dal traffic po vegnir augmentada.

Ulteriuras infurmaziuns davart il nov trassé da la via da Valzeina chattais Vus en il fegl d'infurmaziun actual da l'uffizi da construcziun bassa dal Grischun.

Fotografias agiuntadas:
-
Nov trassé da la via da Valzeina

-
La nova punt sur l'aual Schranggabach


Infurmaziuns:
- cusseglier guvernativ dr. Mario Cavigelli, schef dal departament da construcziun, traffic e selvicultura, tel. 081 257 36 01, e-mail: Mario.Cavigelli@bvfd.gr.ch
- Reto Knuchel, inschigner chantunal, uffizi da construcziun bassa dal Grischun, tel. 081 257 37 01, e-mail: Reto.Knuchel@tba.gr.ch


Gremi: departament da construcziun, traffic e selvicultura dal Grischun
Funtauna: rg departament da construcziun, traffic e selvicultura dal Grischun  
Neuer Artikel