Zum Seiteninhalt

Il cusseglier guvernativ Christian Rathgeb scuntra il schef da l'armament

  • Erste Mitteilung
  • Neuen Beitrag einfügen
Il cusseglier guvernativ Christian Rathgeb ha beneventà dacurt il schef da l'armament Martin Sonderegger ad in discurs da lavur a Cuira.

La visita da lavur ha servì a tgirar ils contacts. Il schef da l'armament è cumpetent per il svilup, per l'evaluaziun, per l'acquisiziun e per la dismessa da sistems e da material da l'armada e d'ulteriura clientella. Medemamain è el responsabel per la planisaziun e per l'acquisiziun d'immobiglias dal departament federal da defensiun, protecziun da la populaziun e sport DDPS.

La collavuraziun dal chantun Grischun cun l'uffizi federal da l'armament armasuisse è stretga e multifara en il sectur d'immobiglias. En il rom da questa scuntrada impurtanta èn vegnids discutads detagliadamain differents lieus da staziunament per l'armada en il chantun Grischun. Il cusseglier guvernativ ha accentuà l'impurtanza da l'armada per il chantun Grischun. Tuttas duas varts èn stadas d'accord che la collavuraziun vivida oz saja sa cumprovada fitg. La communicaziun averta e la buna collavuraziun en tut ils secturs vegnan appreziadas zunt da tuttas duas varts.

Fotografia :
-
Davant: Martin Sonderegger, schef da l'armament; Christian Rathgeb, cusseglier guvernativ
Davos: Dieter Juchli, manader da la partiziun portfolio e manaschament da l'ambient; Regula Hunger, secretaria dal departament; Martin Bühler, manader da l'uffizi


Infurmaziuns:
cusseglier guvernativ Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch


Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel