L'archiv dal stadi dal Grischun sa legra da pudair preschentar la publicaziun la pli nova en la retscha "funtaunas e perscrutaziuns davart l'istorgia dal Grischun". Questa giada sa tracti da la citad da Cuira e da sia emancipaziun da l'uvestg durant il 15. tschientaner.

En il 15. tschientaner era Cuira ina citad en resvegl. Ils burgais, ch'eran daventads economicamain e politicamain pli e pli ferms, èn s'emancipads entaifer paucs decennis da lur signur episcopal. L'archiv da la citad da Cuira tegna en salv las funtaunas da questa epoca impurtanta. Perquai che blers documents èn vegnids destruids dal grond incendi da la citad l'onn 1464, èn las scrittiras anc existentas d'ina impurtanza particulara.

I sa tracta da documents dals onns 1402 fin 1465, tranter auter er da l'enconuschenta constituziun da la mastergnanza, sco er da funtaunas administrativas da different gener, da glistas da taglia, da quints e da correspundenza. Questa ediziun preschenta ils documents ad in public interessà. Ina introducziun explitgescha ils connexs.

Infurmaziuns detagliadas davart il cudesch e davart la vernissascha

Fotografia agiuntada:

sutvart: Inscripziun betg mo stritgada tras, mabain er fatga illegibla en il cudesch da la citad. L'uvestg n'ha pli nagin dretg d'ina part da las multas incassadas sin basa da la "Trostungsordnung".


Vernissascha:
Mesemna, ils 13 da december 2017, a las 18.00. En la Chasa municipala da Cuira (sala da cussegl), Poststrasse 33.


Infurmaziuns:
- Reto Weiss, archivari dal stadi, tel. 081 257 28 01, e-mail Reto.Weiss@sag.gr.ch
- Thomas Bruggmann, autur / editur, tel. 081 257 28 09, e-mail Thomas.Bruggmann@sag.gr.ch


Gremi: uffizi da cultura / archiv dal stadi
Funtauna: rg uffizi da cultura / archiv dal stadi