Navigation

Inhaltsbereich

Il parlament dad Uri sin visita en il Grischun

  • Erste Mitteilung
  • Neuen Beitrag einfügen
Ina delegaziun dal parlament dal chantun Uri ha visità oz durant la sessiun da favrer 2018 il cussegl grond dal Grischun.

La delegaziun da nov persunas uranaisas è vegnida manada dal president da lur parlament Christoph Schillig. Accumpagnà è el vegnì tranter auter dal vicepresident Peter Tresch sco er da l'anteriura presidenta dal parlament Frieda Steffen.

Ils giasts da l'Uri èn vegnids beneventads dal president dal cussegl grond Martin Aebli e da la vicepresidenta dal cussegl grond Tina Gartmann-Albin. Ultra da quai han prendì part a l'inscunter ils presidents da las fracziuns dal Grischun. L'avantmezdi ha la delegaziun assistì a las tractativas currentas en l'edifizi dal cussegl grond. Suenter è in gentar cuminaivel stà sin il program. Il suentermezdi ha gì lieu ina visita guidada tras la citad veglia da Cuira ed ina visita da la catedrala.

La visita da la delegaziun ha servì al barat d'experientschas sco er a la tgira da las relaziuns amicablas. Questas scuntradas cun persunas directivas amias da parlaments chantunals han lieu ina fin duas giadas l'onn.

Fotografias agiuntadas:
-
Il president dal cussegl grond Martin Aebli beneventa a Cuira il president dal parlament dad Uri Christoph Schillig (a dretga).

-
Las duas delegaziuns parlamentaras davant l'edifizi dal cussegl grond a Cuira.


Gremi: chanzlia chantunala
Funtauna: rg chanzlia chantunala
Neuer Artikel