Navigation

Inhaltsbereich

Novas bibliotecarias e novs bibliotecaris survegnan certificats

  • Erste Mitteilung
  • Neuen Beitrag einfügen
En il Grischun han 9 bibliotecarias ed in bibliotecari terminà dacurt lur scolaziun e survegnì il certificat da la cuminanza da lavur da las bibliotecas svizras da lectura publica.

En las passa 50 bibliotecas da scola e bibliotecas communalas dal chantun vegn prestada ina lavur da biblioteca cumpetenta. Quai cun il sustegn da la biblioteca chantunala dal Grischun, nua ch'i vegnan purschids regularmain perfecziunaments per persunas creschidas. Quests perfecziunaments adempleschan las prescripziuns da qualitad tenor las directivas vertentas da la cuminanza da lavur da las bibliotecas svizras da lectura publica (CLP). Ils curs vegnan organisads da l'incumbensada chantunala da las bibliotecas Theres Schlienger en num da la cumissiun da biblioteca dal Grischun. Il curs fundamental da la CLP terminescha suenter 27 dis d'instrucziun cun in examen.
En il chantun Grischun èsi impurtant per bibliotecarias e per bibliotecaris da nizzegiar sinergias, da sa preschentar communablamain e da furmar ina rait ensemen cun las autras bibliotecas grischunas. Uschia pon las purschidas ed ils servetschs da las singulas bibliotecas vegnir coordinads optimalmain in cun l'auter.

In certificat han survegnì:

  • Foppa-Caviezel Claudia, gimnasi da la claustra da Mustér
  • Forrer Elizabeth, Vossa Lingua, biblioteca interculturala dal Grischun
  • Hobi-Wildhaber Karin, biblioteca da scola e communala da Walenstadt
  • Hunziker Nicole, biblioteca d'emprest da Tavau
  • Jäggi Anita, biblioteca communala da Mollis
  • Jakob Bruno, mediateca da Freienbach
  • Jascur Evelyn, Biblioteca populara e da scola dalla vischnaunca da Breil
  • Stauffer Walch Irene, biblioteca da scola dad Oberurnen
  • Venzin-Giger Susanna, Biblioteca populara Disentis/Mustér e contuorn
  • von Gunten Sonja, biblioteca da Samedan / Bever

Fotografia agiuntada:
-
Tut las 10 participantas han reussì l'examen dal curs da scolaziun.


Infurmaziuns:

Theres Schlienger, Incumbensada da las bibliotecas dal chantun Grischun, tel. 081 257 28 37, e-mail Theres.Schlienger@kbg.gr.ch


Gremi: Biblioteca chantunala
Funtauna: rg biblioteca chantunala
Neuer Artikel