Navigation

Inhaltsbereich

La cumissiun da gestiun pretenda ina cumissiun parlamentara d'inquisiziun

  • Erste Mitteilung
  • Neuen Beitrag einfügen
La cumissiun da gestiun dal cussegl grond (CdG) ha discutà en sia sesida dad oz las scuvertas ed ils andaments en connex cun las cunvegnas en l'industria da construcziun grischuna sco er il tractament da l'infurmant presumtiv tras las autoritads. En quest connex ha ella concludì da pretender dal cussegl grond la nominaziun d'ina cumissiun parlamentara d'inquisiziun (CPI).

Ils entretschaments presumtivs da diversas autoritads e da divers uffizis en las cunvegnas illegalas da construcziun sco er il tractament da l'infurmant presumtiv tras las autoritads – chaussas ch'èn vegnidas colportadas en differentas medias – ston vegnir qualifitgads sco "eveniments da gronda impurtanza" che "basegnan in scleriment spezial" tras ina CPI tenor l'art. 20 da la lescha davart il cussegl grond (LCG). Las cumpetenzas da la CPI, ch'èn enumeradas en l'art. 35 LCG, èn pli vastas che las pussaivladads da la CdG. Per quest motiv, e perquai che la cumplexitad da l'object d'inquisiziun è fitg gronda, è la CdG da l'avis ch'i saja cunvegnent da nominar ina CPI.

La CdG vegn a prender per mauns las dumondas formalas davart la nominaziun d'ina CPI ed a formular ina proposta per mauns dal cussegl grond.


Infurmaziuns:
Robert Heinz, president da la cumissiun da gestiun, Tel. 079 725 77 10 (a partir da las 18.00)


Gremi: cumissiun da gestiun
Funtauna: rg cumissiun da gestiun
Neuer Artikel