Ils resultats dal segund scrutini da las elecziuns dal cussegl grond e da l'elecziun cumplementara en il chantun Grischun èn vegnids publitgads en l'internet sut www.gr.ch/grw.
En ils suandants circuls electorals han las votantas ed ils votants anc surdà mandats:
- Circul electoral Jenaz: En il circul electoral Jenaz è vegnì occupà anc in sez en il cussegl grond ed eruì ina suppleanta u in suppleant dal cussegl grond.
- Circul electoral Lumnezia: Cunquai che Marcus Caduff era vegnì elegì ils 10 da zercladur 2018 tant en la regenza sco er en il cussegl grond, ha gì lieu in'elecziun cumplementara per il sez en il cussegl grond.
- Circul electoral Roveredo: En il circul electoral Roveredo ha stuì vegnir eruì anc ina suppleanta u in suppleant dal cussegl grond.
- Circul electoral Schiers: En il circul electoral Schiers ha stuì vegnir occupà anc in sez en il cussegl grond.
- Circul electoral Suot Tasna: En il circul electoral Suot Tasna ha stuì vegnir occupà anc in sez en il cussegl grond.
- Circul electoral Tusaun: En il circul electoral Tusaun ha stuì vegnir eruì anc ina suppleanta u in suppleant dal cussegl grond.
Ils resultats finals da las elecziuns dal cussegl grond 2018 (scrutinis dals 10 da zercladur 2018 e dal 1. da fanadur 2018) pon vegnir consultads en l'internet sut
www.gr.ch/grw. Medemamain disponibla è ina survista da tut ils resultats cun la repartiziun dals sezs en il cussegl grond sco er cun las glistas dals nums.
Gremi: chanzlia chantunala dal Grischun
Funtauna: rg chanzlia chantunala dal Grischun