Navigation

Inhaltsbereich

Premi d'architectura per il museum d'art dal Grischun

  • Erste Mitteilung
  • Neuen Beitrag einfügen
Il Royal Institute of British Architects (RIBA) undrescha ils architects Barozzi Veiga da Barcelona cun in "RIBA Award for International Excellence" per il museum d'art dal Grischun a Cuira.

La giuria che sa cumpona d'experts britannics ed internaziunals onurescha cun il premi "Ils edifizis ils pli impurtants ed inspirants da l'onn 2018". Ultra dal museum d'art dal Grischun han 20 auters edifizis da l'entir mund survegnì quest titel. Ils titulars dal premi han gudagnà cunter tschients projects da passa 50 pajais.

Architectura inspiranta en la vita da mintgadi
Ils projects sa distinguan tras l'ambiziun architectonica e tras ina realisaziun excellenta. Per la giuria èsi dentant anc pli impurtant da mussar ch'edifizis cun ina buna concepziun pon prestar ina contribuziun impurtanta per la societad e per la vita da mintgadi. Quai è il cas per il museum d'art dal Grischun. Exposiziuns ed occurrenzas multifaras han gì lieu dapi l'avertura il zercladur 2016. Bleras visitadras e blers visitaders apprezieschan zunt fitg il museum d'art dal Grischun. La donaziun generusa da Henry Carl Martin Bodmer ed il grond engaschi da tut las persunas participadas, saja quai architects, planisaders spezialisads, utilisadras ed utilisaders, gestiunarias e gestiunaris, ma er da la politica èn stads in agid sin la via a la realisaziun ed al success.

Il premi porta al chantun Grischun attenziun internaziunala sin l'entir mund. Il Royal Institute of British Architects (RIBA) (institut roial dals architects britannics) ha sia sedia a Londra. https://www.architecture.com/awards-and-competitions-landing-page/awards/riba-international-prize


Infurmaziuns:

Markus Dünner, architect chantunal, tel. 081 257 36 31, e-mail Markus.Duenner@hba.gr.ch


Gremi: uffizi da construcziun auta
Funtauna: rg uffizi da construcziun auta
Neuer Artikel