Navigation

Inhaltsbereich

Visita uffiziala dal chantun Una-Sana da la Bosnia ed Erzegovina

  • Erste Mitteilung
  • Neuen Beitrag einfügen
Ina delegaziun dal chantun Una-Sana da la Bosnia ed Erzegovina visita durant 2 dis il chantun Grischun.

La delegaziun dal chantun Una-Sana sa cumpona da Jasmin Burnić, minister per fatgs da construcziun, planisaziun dal territori e protecziun da l'ambient, da Samir Sedić, minister per economia, da Muhamed Ramić, minister per educaziun, scienza, cultura e sport, dad Admir Mušanović, parlamentari sco er da Vildana Zulic, manadra da la partiziun per svilup economic, planisaziun strategica ed integraziuns da la UE. Prender part a la visita en il Grischun prendan ultra da quai Andjelko Grahovac, l'ambassadur bosniac en Svizra sco er represchentantas da l'ambassada svizra en Bosnia ed Erzegovina.

Ils giasts da la Bosnia ed Erzegovina vegnan beneventads dal president da la regenza Mario Cavigelli e dal cusseglier guvernativ Jon Domenic Parolini. Ultra da quai sa participeschan il chancelier Daniel Spadin, il manader da l'uffizi per il svilup dal territori Richard Atzmüller, il manader da l'uffizi per economia e turissem Eugen Arpagaus sco er il manader da l'uffizi per la natira e l'ambient Remo Fehr a la scuntrada. Ils giasts s'infurmeschan davart la structura statala ed administrativa dal chantun Grischun, davart il turissem ed il marketing turistic or da l'optica da las autoritads sco er davart la planisaziun dal territori en Svizra ed en il Grischun. Il segund di stat sin il program la visita dal stabiliment per arder ruments (SAR) a Trimmis. La visita serva a barattar experientschas sin il champ cultural, economic e politic.

Fotografia agiuntada:
-
Las duas delegaziuns en l'edifizi dal cussegl grond a Cuira.


Gremi: chanzlia chantunala
Funtauna: rg chanzlia chantunala
Neuer Artikel