A maun da maletgs da traplas fotograficas ha la surveglianza da chatscha pudì cumprovar ch'il triep da lufs dal Calanda è sa reproducì per la settavla giada ina suenter l'autra.

Ultra d'observaziuns da persunas privatas han plirs maletgs da traplas fotograficas da la surveglianza da chatscha confermà la nova reproducziun dal triep dal Calanda. Ins sto far quint cun almain tschintg lufs giuvens. Per la settavla giada ha uschia pudì vegnir cumprovada ina reproducziun dals lufs dal Calanda. Quai suenter ch'ins ha pudì observar resp. cumprovar geneticamain gia ils ultims sis onns en il decurs da l'atun mintgamai tschintg fin otg lufs giuvens.

La fotografia agiuntada mussa ils almain tschintg lufs giuvens dal triep dal Calanda.

Fotografia agiuntada:

Lufs giuvens dal triep dals lufs dal Calanda, annada 2018 (trapla fotografica UCP)


Infurmaziuns:
dr. Adrian Arquint, manader da l'uffizi da chatscha e pestga, tel. 081 257 38 92, e-mail Adrian.Arquint@ajf.gr.ch


Gremi: uffizi da chatscha e pestga
Funtauna: rg uffizi da chatscha e pestga