Navigation

Inhaltsbereich

Crudada d'in aviun al Piz Segnas: Condolenza da la regenza

  • Erste Mitteilung
  • Neuen Beitrag einfügen
Sin la costa vest dal Piz Segnas a Flem è capità la sonda suentermezdi in dals accidents ils pli grevs da l'istorgia da l'aviatica svizra. Tar la crudada d'ina Ju-52 han tut ils 17 passagiers ed ils 3 commembers da l'equipa pers lur vita. La regenza condolescha a las confamigliaras ed als confamigliars da las victimas. Ultra da quai engrazia ella a tut las forzas d'agid.

La regenza exprima sia consternaziun e ses grond cordoli. A las persunas relaschadas dals passagiers da l'eroplan disgrazià admetta ella sia sincera condolientscha ed als giavischa blera forza en quest temp difficil.

L'accident è er per las forzas d'agid ina situaziun fitg engrevgianta e betg quotidiana. La regenza engrazia a tut las persunas che han gidà per lur engaschament.

Sco che la polizia chantunala dal Grischun ha gia communitgà ier, n'è il motiv da l'accident anc betg sclerì. La procura publica federala sclerescha ussa ensemen cun il servetsch svizzer d'inquisiziun da segirezza, cun la procura publica grischuna e cun la polizia chantunala dal Grischun il motiv da la crudada.


Infurmaziuns:
president da la regenza dr. Mario Cavigelli, schef dal departament da construcziun, traffic e selvicultura, tel. 081 257 36 01, e-mail Mario.Cavigelli@bvfd.gr.ch


Gremi: regenza
Funtauna: rg chanzlia chantunala
Neuer Artikel