Navigaziun principala

Cuntegn da la pagina

Confermà dus cussegliers da la banca chantunala grischuna

  • Erste Mitteilung
  • Neuen Beitrag einfügen
La regenza grischuna ha reelegì dr. Christoph Caviezel e Thomas Huber sco cussegliers da la banca chantunala grischuna per la perioda d'uffizi dal 1. d'avrigl 2019 fin ils 31 da mars 2023.

Tenor la lescha davart la banca chantunala grischuna (BCG) è la regenza cumpetenta per eleger il cussegl da banca che sa cumpona da set persunas. Ils 31 da mars 2019 fineschan las periodas d'uffizi dals cussegliers da banca dr. Christoph Caviezel e Thomas Huber. Ils dus cussegliers èn en il cussegl da banca dapi l'onn 2015. Valair vala ina limitaziun legala dal temp d'uffizi da 12 onns. La regenza grischuna ha puspè elegì dr. Christoph Caviezel e Thomas Huber sco cussegliers da la banca chantunala grischuna per la perioda d'uffizi dal 1. d'avrigl 2019 fin ils 31 da mars 2023.

Dr. Christoph Caviezel ha 61 onns ed è creschì si a Razén ed a Cuira. El è vegnì reelegì pervia da sia experientscha cumprovada da plirs onns sco interprendider e sco spezialist d'immobiglias. Thomas Huber, 55 onns, oriund da Möriken, è vegnì confermà pervia da sia experientscha cumprovada da plirs onns sco expert da contabilitad e sco revisur da bancas.

Las elecziuns en il cussegl da banca han lieu resguardond las prescripziuns da l'autoritad federala per la surveglianza dals martgads da finanzas (FINMA) ed il profil d'exigenzas da la regenza per il cussegl da banca.


Fotografias agiuntadas:
- Dr. Christoph Caviezel
- Thomas Huber


Infurmaziuns:
cussegliera guvernativa Barbara Janom Steiner, scheffa dal departament da finanzas e vischnancas, tel. 081 257 32 01, e-mail Barbara.Janom@dfg.gr.ch


Gremi: regenza
Funtauna: rg chanzlia chantunala
Neuer Artikel