Navigation

Inhaltsbereich

L'ambassadur da la UE sin visita tar la regenza grischuna

  • Erste Mitteilung
  • Neuen Beitrag einfügen
Sin invit da la regenza ha Michael Matthiessen, l'ambassadur da l'Uniun europeica per la Svizra e per il principadi da Liechtenstein, visità oz il chantun Grischun.

L'ambassadur da la UE Michael Matthiessen è vegnì beneventà oz en la chasa grischa a Cuira dal president da la regenza Mario Cavigelli, da la cussegliera guvernativa Barbara Janom Steiner e dal chancelier Daniel Spadin. L'ambassadur è vegnì accumpagnà da Marco Düerkop, cusseglier d'ambassada per commerzi ed economia. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants d'auters stadis en Svizra. Quests discurs èn elements impurtants da las relaziuns externas dal chantun. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:
-
Da sanestra: emprim cusseglier d'ambassada Marco Düerkop, president da la regenza Mario Cavigelli, ambassadur da la UE Michael Matthiessen, cussegliera guvernativa Barbara Janom Steiner e chancelier Daniel Spadin.


Infurmaziuns:
Daniel Spadin, chancelier, tel. 081 257 22 21, e-mail Daniel.Spadin@staka.gr.ch


Gremi: regenza
Funtauna: rg chanzlia chantunala
Neuer Artikel