Navigation

Inhaltsbereich

La regenza da Zug sin visita en il Grischun

  • Erste Mitteilung
  • Neuen Beitrag einfügen
Sin invitaziun da la regenza grischuna ha la regenza dal chantun Zug visità ier ed oz il chantun Grischun.

A chaschun da sia visita dal chantun Grischun è la delegaziun da Zug vegnida manada da la presidenta da la regenza Manuela Weichelt-Picard. Ella è vegnida accumpagnada dal prefect Stephan Schleiss, dal directur da l'economia publica Matthias Michel, dal directur da segirezza Beat Villiger, dal directur da finanzas Heinz Tännler, dal directur da construcziun Urs Hürlimann, dal directur da sanadad Martin Pfister sco er da la vicechanceliera Renée Spillmann Siegwart.

Las duas delegaziuns èn viagiadas ier si Pigniu, han visità là il mir da fermada ed han giudì ina visita guidada tras il pitschen vitg da muntogna. Oz è stà sin il program in gir tras il vitg da Tschiertschen sco er la visita da la scola d'hotellaria a Passugg.

La visita da la regenza dal chantun Zug serva en emprima lingia a tgirar las relaziuns amicablas ed a barattar experientschas sin ils champs da la cultura, da l'economia e da la politica.

Fotografias agiuntadas:
-

President da la regenza grischuna Mario Cavigelli e presidenta da la regenza da Zug Manuela Weichelt-Picard.

-
La delegaziun grischuna e la delegaziun da Zug cun president da la regenza grischuna Mario Cavigelli e presidenta da la regenza da Zug Manuela Weichelt-Picard.


Gremi: regenza
Funtauna: rg chanzlia chantunala dal Grischun
Neuer Artikel