Navigaziun principala

Cuntegn da la pagina

Scolaziun da pilotas e pilots da dronas per il salvament d'ansiels-chavriel

  • Erste Mitteilung
  • Neuen Beitrag einfügen
Il project da pilot "Salvament d'ansiels-chavriel cun dronas" che la secziun da chatschadras e chatschaders Tasna ha lantschà e realisà cun success, vegn cuntinuà quest onn ed extendì sin ulteriuras regiuns. Per quest intent sto vegnir endrizzada ils mais da matg fin fanadur in'organisaziun d'acziun cumplexa cun pilotas e pilots da dronas che han ina buna scolaziun. Las dronas vegnan applitgadas sco cumplettaziun da la metoda da tschorventar convenziunala.

Prads èn spazis da viver impurtants per blers animals e per bleras plantas. Lur existenza pon ils prads engraziar a las puras ed als purs che als segan onn per onn. Cun segar ils prads vegnan adina puspè blessads e mazzads ansiels-chavriel. Ils animals giuvens sa sgoban en l'erva auta, e pervia da lur pail punctà n'èn els strusch perceptibels durant las emprimas emnas da lur vita.

L'uffizi da chatscha e pestga (UCP), l'uniun grischuna da chatschaders da patenta (UGCP), l'uniun purila grischuna (UPG) sco er il parc Beverin s'engaschan activamain per il salvament dals ansiels-chavriel – questa finamira impurtanta da la protecziun dals animals – e promovan il svilup dal "Salvament d'ansiels-chavriel cun dronas".

La sonda passada ha gì lieu sin il Pass da Son Gliezi sur Maiavilla l'emprim di da scolaziun per pilotas e pilots da dronas, cun ina part teoretica e cun ina part pratica. 20 persunas èn sa participadas a la scolaziun. Fin la fin d'avrigl vegnan realisadas quatter ulteriuras scolaziuns d'in entir di.

Tgi che ha interess da collavurar tar l'organisaziun d'acziun "Salvament d'ansiels-chavriel", po s'infurmar sut http://www.bkpjv.ch/hege/rehkitzrettung/index.html u s'annunziar tar las organisaziuns localas da tgira da la selvaschina da la UGCP.
 
Fotografias:
-

-


Infurmaziuns:
- dr. Adrian Arquint, manader da l'uffizi da chatscha e pestga dal Grischun, tel. 081 257 38 92, e-mail Adrian.Arquint@ajf.gr.ch
- Hansruedi Andreoli, president da la tgira chantunala da la selvaschina, tel. 081 651 37 23, e-mail hr.andreoli@bluewin.ch


Gremi: uffizi da chatscha e pestga
Funtauna: rg uffizi da chatscha e pestga
Neuer Artikel